Ayo ni amwe mu majambo yashikirijwe na Nyakubahwa Imelde SABUSHIMIKE, Umushikiranganji wo Gushigikirana, Imibano, Agateka ka Zina Muntu n’Iterambere Ridakumira kuri uyu wa kabiri igenekerezo rya 25 Gitugutu 2022 mu ntara ya Ruyigi, igehe yari ahejej gushikiriza imoto 8 ku bakozi b’ubwo bushikiranganji bakorera mu makomine 7 agize intara ya Ruyigi hamwe n’uwubuserukira mu ntara.
Yashimiye Ishirahamwe OIM ryo ryafashije ubwo bushikiranganji mu gutanga izo ngendeshwa z’amamoto ngo abo bakozi bashobore gushikira abo babajejwe bitabagoye.
Yabibibukijwe ko Ubushikiranganji arongoye bufise ibikorwa vyagutse, aca abasaba gukorana umwe, ubwira n’ubukerebutsi kandi berekane umutimwa wa kivyeyi, maze ubufasha abenegihugu babakeneyeko baburonke ata nkomanzi.
Yasavye ko ivyo vyose biba mu kibano bisabwo ko babikora, bobikorana umwete, gutyo ngo ntihazigire ibintu bica ku mbuga ngurukana bumenye bisabwa ko ubushikiranganji bujejwe gushigikirana bugira ico bukoze muri komine barimwo nabo batigeze batanga rapora mu bushikiranganji y’icokorwa.
Yabasavye kuja mu mitumba bafashe abenegihugu kuja muri wa mugambi wa Nawe Nuze biheze bisununure mw’iterambere.
Yabasavye kandi kubandanya bakurikirana n’ingurube zatanzwe n’ubwo bushikiranganji, gutyo ngo hazobe urukurikirane rwo guhanahana ivyo bitungwa kuri ba ntahonikora, nabo ngo bave mu bukene, baronke ibitungwa bibasahiriza.
Yarangije abasaba kutaba abakozi bakorera gusa ku masaha, ahubwo kuraba ineza y’abo bajejwe ngo umwimbu uheze w’iyongere mu gihugu.
Source: Ministry of National Solidarity, Social Affairs, Human Rights and Gender
